PÓG BHIDEOG

Is milse póg Bhideog ná uisce Loch Éirne ar fad
Ná an chéad scoth den chruithneacht 's í fuinte i sú mhil bheach
Tá ródannaí meala ag na beacha ins gach ceard dhá dtéim
'S go bhfuil siúcra donn craite ar a mblaiseann Bideog don bhia.

'S nach deas í an eala nuair a thagann sí ó na cuanta isteach
Níos deise ná an smóilín ag seinm ar bharr na gcrann
Ní dóigh don uisce ag titim ná intinn bean
'S gur fear gan aon mhisneach nach rithfeadh naoi n-uaire an seans.

Ó rachad go Gaillimh go gceannóidh mé báidín úr
Agus ceannóidh mé loingeas do Bhideog le bheith a' déanamh spóirt
Ar fhilliúint ó Shligeach dhom is leide beag a fháil don chóir
Ní ghabhadh mise abhaile nó go mblaisfidh do phóg Bhideoig.

'S má bhí mise folamh is dar m'fhocal ba mhór an scéal
'S a liachtaí bean deas a thug taitneamh do ghlór mo bhéil
A' gabháil bóthar ná bealach níor aithris tú ariamh an scéal
'S nár lige Dia 's Muire gur i ngeall ort a chaillfí mé.