Cuirfear tús leis an dara sraith FEIRM FACTOR, 10 gclár ar TG4 ar an Déardaoin 14 Eanáir 2010.
Craoladh an chéad shraith bliain ó shin, sraith nuálaíoch inar cuireadh dáréag feirmeoir ó chúlraí éagsúla in iomaíocht le chéile féachaint cé aige/aici a bhí an raon scileanna, acmhainn ghnó agus seasmhacht choirp agus intinne chun an duais mhór a bhuachan.
Is í Maura Derrane an láithreoir agus tig léi a bheith báúil nó dian de réir mar a oireann don ócáid. Is iad Alan Dukes, iar Aire Talmhaíochta agus eacnamaí agus Seán Ó Lionáird, feirmeoir as Corcaigh, na moltóirí.
SEANIE BOYLE
Is ón bhFál Carrach i dTír Chonaill don fhear seo, 37 bliain d'aois, athair clainne (beirt) agus iarimreoir peile lena chontae (Dún na nGall 1994/95). Is feirmeoir ba agus caoirigh é a bhfuil caighdeán a fheirme féin feabhsaithe chuig caighdeán taispeántais REPS aige. Tá a fhealsúnacht féin aige maidir le gairm na feirmeoirechta agus creideamh daingean go bhfuil sé ag caomhnú na feirme teaghlaigh do na glúinte atá le theacht.
