Thug trí shaothar margaíochta de chuid TG4 gradaim leo ó dhuaisbhronnadh 2007 Institiúid Chruthaitheach Fhógraíocht agus Dheartha (ICAD) ag deireadh na seachtaine seo caite.

Is iad gradaim ICAD an slat-tomhais aitheantais do thionscal an deartha in Éirinn agus tig duaisiarrachtaí san iomaíocht anois do Chomórtas Deartha na hEorpa freisin. Foireann TG4, i bpáirt leis an gcomhlacht Publicis QMP a bhí i mbun na saothar buacach ar fad a thug duaiseanna leo

Thug an feachtas "Boobs" leis an Duais Chré-umha sa Rannóg don Fheachtas Faoin Aer ab Fhearr, (comh-fhógra do na sraitheanna Ros na Rún agus Nip Tuck ab ea é seo). Bronnadh Duais Airgid (an ceann ab airde i mbliana sa rannóg seo) ar an bhfógra "Tuigeann tú anois, Daniel" sa Rannóg don Fheachtas Teilifíse ab Fhearr (comh-fógra do na sraitheanna drámaíochta Ros na Rún agus Cold Case ab ea é seo) agus bronnadh Duais Airgid eile ar an bhfógra "Pregnant" - fógra do Pheil na mBan- sa Rannóg don Stiúradh Ealaíne ab Fhearr.

Thréaslaigh Feidhmeannach Margaíochta TG4, Pádraic Ó Ráighne leo ar fad a bhí páirteach sna tograí buacacha "Is cruthúnas eile é seo go n-aithníonn ár gcomhghleacaithe go bhfuil ar chumas an chainéil a aitheantas sainiúil féin a leagan amach agus a léiriú ar an gcaighdeán is airde agus is nuálaí", a dúirt sé "agus fáiltíonn muid roimh an aitheantas is deireanaí seo don tsúil eile" .

Breis Eolais:
Pádhraic Ó Ciardha - TG4 - (01) 476 3030
Linda Ní Ghríofa - TG4 - (091) 505228