De Valera i Meiriceá | Faisnéis | Éamon De Valera | TG4 Skip to main content
Menu

De Valera i Meiriceá

     

Sraith ina ndéantar cur síos den chéad uair ar an turas
achrannach a thug Éamon de Valera ar Mheiriceá i 1919

De Valera i Meiriceá

Sraith faisnéise dhá chlár ina ndéantar cur síos den chéad uair ar an turas achrannach a thug Éamon de Valera ar Mheiriceá i 1919. Tharraing an turas céanna achrann agus deighilt i measc Gael-Mheiriceánach cúpla mí sular tharla scoilt sa mbaile in Éirinn faoin gConradh Angla-Éireannach. Déanfar cur síos ar mar a d’éalaigh Éamon de Valera ar bhád go Meiriceá i 1919 agus gur fhógair sé i bhforhalla an óstáin ba rachmasaí ar domhan gurb é “An Chéad Uachtarán ar Éirinn” é.
Ba í fírinne an scéil go rabhthas sa tóir ar de Valera agus go raibh Éire fós ina cuid d’Impireacht na Breataine. Ghlac na Gael-Mheiriceánaigh leis gan aon agó ach níorbh fhada go ndeachaigh cúrsaí in aimhréidh. Baisteadh tine ó thaobh na polaitíochta a bhí ann do de Valera a bhí nua ag an bpolaitíocht – ach sheas an méid a d’fhoghlaim sé dó agus d’imir tionchar mór air mar pholaiteoir ina dhiaidh sin – tionchar a d’imir seisean arís ar ais ar Éire na linne go ceann leathchéad bliain.
 

Físeáin ar Fáil